Tuisblad

Skoolbestuur

By Laerskool Lynnwood glo ons aan 'n demokratiese breë bestuur.

Ons bestuurstruktuur is so ontwerp dat dit groeigeleenthede bied aan personeel binne ons skool, maar is ook baie aanloklik vir personeel van ander skole wat graag by ons aansoek doen vir poste.

Ons het tans ‘n Skoolhoof, snr Adjunkhoof, 3 Adjunkhoofde, 16 Departementshoofde en 12 Adjunk departementshoof poste. Daar is dus tans 33 bevorderingsposte by ons skool teenoor die normale 6 bevorderingsposte.

Aangesien daar personeel in sleutelposisies geplaas word, is daar altyd iemand om oor te neem, sou iemand weggaan of afwesig wees.

Hierdie breë bestuurstruktuur bied opleidingsgeleenthede aan personeel en ons bemagtig hulle graag deur nuwe uitdagings aan hulle te bied.

Laerskool Lynnwood is geseënd met ongelooflik bekwame, hardwerkende personeel wat ‘n verskil maak.