“Ons kan nie altyd die toekoms vir ons jeug bou nie, maar ons kan ons jeug vir die toekoms bou.” Franklin D. Roosevelt
Die Intermediëre fase en Senior fase (Intersen Fase) ondersteun die filosofie dat alle leerders kan leer. Ons streef daarna dat kennis, begrip, vaardighede, houdings, waardes en norme die boustene van ons onderrigstyl vorm.
Op akademiese terrein poog onderwysers om die hoogste standaard te bereik en te handhaaf. Om dit te bewerkstellig bly onderwysers op hoogte van die nuutste tegnologie en onderwys metodes. By Laerskool Lynnwood streef ons na akademiese uitnemendheid.
Die belangrikste beginsels vir ons leerders kinders is:
· om te weet
om te dink
om te doen
om te waardeer
om te wees.
By Laerskool Lynnwood vind leer nie net binne die klaskamer plaas nie. Laerskool Lynnwood het ook ‘n aanlyn leerplatform op MsTeams, vir die Gr. 4 tot 7-leerders. Hierdie virtuele platform bied lesse in video-formaat, werkkaarte, memorandums en PowerPoints, wat leerders vanaf enige plek, in hulle eie tyd en teen hul eie pas asook aanvullend tot skoolonderrig kan gebruik. Daar word daagliks ‘n regstreekse les uitgesaai sodat indien afwesig is, kan alle werk vir die dag deur middel van Ms Teams ingehaal word sodat die leerders voorbereid is as hulle weer terug is by die skool
Laerskool Lynnwood het ook ‘n na-uurse akademiese ondersteuningsentrum vir graad 4-7 leerders, waar leerders akademiese hulp en ondersteuning kan kry. Leerders wat byvoorbeeld afwesig was en nie voldoende kon inhaal op MS Teams as gevolg van gebrek aan tegnologie by die huis nie, óf ekstra hulp nodig het in sekere aspekte van die werk, kan inskakel by die sentrum.
Die amptelike KABV (CAPS) kurrikulum van Suid-Afrika word dus gevolg, deur nuwe, moderne onderwysinisiatiewe wat leerders toerus vir die 21ste eeu.
Kontak personeelDie volgende vakke maak deel uit van die Intersenfase
Die Afrikaanse kurrikulum in die Senior Fase berus op dieselfde komponente as in die Intermediêre Fase behalwe dat dit anders gegroepeer is en benoem word. Die fokus bly val daarop om leerders toe te rus met die nodige kennis, vaardighede en ingesteldheid om goeie taalgebruik te kan toepas.
Leerders kry ook die geleentheid om kreatief te kan Skryf en Praat, met begrip te kan Lees en te Luister om kennis te kan weergee.
Taalstrukture asook Spelling berei leerders voor om woorde korrek te spel en sinvol te kan gebruik.
The main emphasis is placed on listening, speaking and reading, writing and language structure and conventions.
Graad 7 is die eerste jaar van die Seniorfase. Dit is ‘n baie belangrike jaar vir die leerders omdat die basis vir Wiskunde op Hoërskoolvlak gelê word sodat die oorgang na Hoërskool glad kan verloop. Wiskunde onderrig word aangebied deur aan elke leerder intensief aandag te gee en so die behoefte van elke leerder aan te spreek.
Die Ekonomiese en Bestuurswetenskappe is daarop gerig om leerders toe te rus met kennis, vaardighede, waardes en ingesteldhede wat hulle in staat stel om binne ‘n ekonomiese, komplekse samelewing aan te pas, deel te neem en te oorleef. Die vak is daarop gerig om produktiwiteit, sosiale geregtigheid en omgewings-volhoudbaarheid te bevorder.
EBW
In die Senior Fase staan die vak, Lewensvaardigheid, bekend as Lewensoriëntering.
Dit bestaan uit twee dele naamlik:
Lewensoriëntering en
Fisiese aktiwiteite.
In die Senior Fase vorm Kuns en Kultuur nie deel van die vak nie en is Skeppende Kuns ‘n vak op sy eie.
Die vak Sosiale Wetenskappe bestaan uit GESKIEDENIS en GEOGRAFIE
Beide Geskiedenis en Geografie moet gedurende elke kwartaal van die skooljaar onderrig en geassesseer word.
Alhoewel die twee dissiplines apart gehou word, is hierdie kurrikulum ontwerp om die kennis (inhoud, vaardighede en konsepte), soos uiteengesit in elk aan te vul.
Assesseringspunte moet afsonderlik vir elke vak op die skool se verslae getoon word -
‘n punt vir Geskiedenis en ‘n punt vir Geografie.
Hulle moet dan saamgevoeg word en deur twee gedeel word om ‘n gemiddelde punt vir Sosiale Wetenskappe te gee.
Wetenskap is ‘n sistematiese manier van soek vir verduidelikings en aaneenskakeling van idees wat ons het.
In Wetenskap word sekere metodes van navraag gedoen en ondersoek ingestel.
Met die formulering van ‘n hipotese word die ontwerp en uitvoer van eksperimente, ondersoeke wat onderneem word en metodes wat gebruik word, noukeurig ondersoek en gedebateer voordat dit as geldig aanvaar word.
Tegnologie word regdeur die geskiedenis aangetref.
Mense het ‘n kombinasie van kennis, vaardighede en beskikbare hulpbronne gebruik om oplossings te ontwikkel wat aan hul daaglikse behoeftes en begeertes voldoen.
Daar word op ‘n 5-dag siklus gewerk. Die skool begin om 07:25 en sluit om 13:30 van Maandae tot Donderdae en om 13:00 op Vrydae.
Leerders moet besef dat huiswerk in die middae prioriteit is en dat dit hulle verantwoordelikheid is.
Dit moet bestuur word, sodat dit nie afgeskeep word nie.
U kind moet leer om onafhanklik te werk, maar ondersteun nog steeds.
Sommige vakke ontvang huiswerk vir die hele week, op ’n Maandag, óf vorige Vrydag. Dit sal hoofsaaklik inskerping wees van werk wat behandel is.
Meeste van die klaswerk word in die klas gedoen en dadelik geassesseer. Leerders moet dus leer om die tyd in die klas sinvol te gebruik, aangesien klasassessering baie belangrik is.
Asssessering vind deurlopend op ‘n 7-puntskaal vir gr. 4 – 7 leerders plaas.
In kwartaal 1 en 3 ontvang die gr. 4 tot 7- leerders ‘n toetsrooster in die tweede week nadat die skool begin het.
Afbakening is skriftelik en op die d6 Connect toepassing, een week voor die toets afgelê word, beskikbaar.
In kwartaal 2 en 4 word eksamens geskryf en afbakening word 4 weke voor eksamen begin op die d6 Connect toepassing gelaai en aan ouers ge-epos.
Kleiner klastoetsies en informele assessering kan nog steeds afgelê word.
Toetse word sodra dit gemerk is, uitgedeel (binne een week nadat die toets geskryf is), en leerders doen self die nasorgwerk op die vraestel, in potlood.
Die memorandum sal hiertydens in die klas behandel word.
Geen geskrewe memorandums sal gegee word nie. Leerders moet leer om self die korreksies aan te bring. Indien daar navrae is oor toetse en punte sal die onderwyser graag na die leerder self luister.
Daar word ‘n assesseringsprogram aan die begin van kwartaal 1-4 uitgegee waarop die verskillende vakke se assesseringstake en/of opdragte uiteengesit word. Dit is slegs ‘n konsepprogram, maar gee ‘n goeie aanduiding van wanneer daar in die verskillende vakke geassesseer gaan word.
Indien u kind afwesig is, is dit sy/haar eie verantwoordelikheid om die werk in te haal.
Maak asseblief gebruik van die “Buddy”-stelsel waar maats telefoonnommers uitruil en mekaar bel om uit te vind watter werk voltooi moet word. Alle beplanning, werkkaarte en Powerpoint aanbiedinge word op MS Teams gelaai.
Indien u kind afwesig is tydens ‘n toetsperiode, word die toets geskryf die eerste dag wat u kind weer by die skool is.
Dieselfde geld vir take en projekte. Take of projekte word afgehandel, sodra die kind weer terug is by die skool.
Elke leerder ontvang ‘n handboek wat genommer is. Sodra die handboek verlore raak of verniel is, sal die leerder daarvoor moet betaal. ‘n Bedrag van R200,00 sal op u skoolrekening gehef word. Handboekkontrole vind kwartaaliks plaas.
Die handboek word slegs met plastiek oorgetrek. Plak ‘n plakker voor op die plastiek met jou naam duidelik daarop. Skryf ook jou naam in pen aan die binnekant van die handboek neer.
Dit is standaard praktyk dat assessering in klastyd geskied en voltooi word. Daar is tog navorsingsopdragte en projekte wat voorbereiding tuis verwag. Stiptelikheid met inhandiging van opdragte en assesseringstake is van die uiterste belang. Indien ‘n opdrag laat ingehandig word, sal die leerder gepenaliseer word. Selfstandige uitvoering van opdragte sal hoog aangeskryf word.
‘n Leerder moet die volgende promosiepunte behaal om te kan slaag:
‘n Leerder moet die volgende promosiepunte behaal om te kan slaag:
Die jaarprogram, beleide en algemene inligting is op die webblad beskikbaar.
Laai gerus die toepassing op u slimfoon af. Alle interne dokumente sal onder Hulpbronne op die toepassing beskikbaar wees. ‘n Boodskap sal per SMS op u slimfoon verskyn van nuwe inligting wat beskikbaar is. Geen koste daaraan verbonde nie. Pas kanale aan sodat u kindgerigte inligting ontvang. Dissiplineverslae, akademiese punte en finansiële inligting is ook op die toepassing beskikbaar. (Kontak Sharise by
Die nuusbrief is op die d6 Connect toepassing beskikbaar.
Wedersydse kommunikasie. Die e-pos adres is personeel se naam en van, bv.
Dit herinner ouers bv. aan vergaderings, elektroniese skeurstrokies, ens.
Dit word in kwartaal 1, 2 en 3 gehou.
Eerste kwartaal word ouers per brief uitgenooi indien personeel vordering wil bespreek.
U as ouer kan ook ‘n afspraak by die betokke graadhoof maak om belangrike inligting aan ons deur te gee.
Personeel is ook per afspraak beskikbaar.
U kan hul ook skakel of boodskap los tot en met 17:00.
Reël met mnr. Andries Roux indien nodig.
Lig onderwysers in indien daar iets gebeur het wat u kind negatief kan beïnvloed.
Reageer asseblief so gou as moontlik.