Pre-Primêre Koor

Die Pre-Primêre koor van Laerskool Lynnwood bestaan jaarliks uit min of meer 65 vrolike Graad R kleuters. Die kleuters word gekies na die afloop van ‘n ouderdomsgepaste keuringsproses, wat hul plek in die koor  bevestig.  Vir die kleuters wat deel is van die koor, is dit  ‘n besondere ervaring en bly dit 'n voorreg om deel uit te maak van ‘n gesamentlike groep individue. Deelname aan 'n koor is nie alleen van opvoedkundige waarde nie, maar ook belangrik  vir sosiale vorming van elke koorlid, die bou van mooi vriendskappe, die kweek van selfdissipline, onbaatsugtigheid, die ontwikkeling van musieksmaak en ‘n liefde vir musiek.

Sing en Speel oggend Pretoria Eisteddfod kunswedstryd Koorfeeste

Met die aanvang van 'n nuwe koorjaar, word liedere gekies wat bestaan uit taalkeuses soos Afrikaans, Engels, Xhoza en selfs Duits. Deur die sing van die verskeie liedere word die kleuters blootgestel aan nuwe woordeskat en kulture, asook basiese musiekkonsepte. Tydens die uitvoering van die liedere word gepaste instrumente gebruik en maklike bewegings aangeleer.

Die koor het elke eerste kwartaal 'n "Sing-en-Speel" oggend waarin die koor op 'n speelse wyse liedere afrond vir toekomstige optredes. Met afwisselende periodes van oefen, word daar ook tyd gemaak vir speel tydens die oggend oefen sessies. ​Ons is tans besig om ons splinternuwe webblad op te dateer. Inhoud sal binnekort beskikbaar wees. Kom asseblief gereeld terug om die nuutste inligting hier te kry.