"Hop-hop spinnekop die bal het in die gat gehop."

Hoekom is netbal by Lynnies so uniek?

Netbal by Laerskool Lynnwood het 'n leefwyse waarna ons streef en dit is "Lynnies mis nooit die doel van Netbal nie!"

Welkom by

Netbal

Ons "doel" is om elke dogters se volle potensiaal, fisies en psigies, te ontwikkel binne hulle vermoë, maar die liefde vir die sport bly ons hoof prioriteit. Ons streef daarna om 'n kultuur te skep waar ons 100% gee en die resultaat kom vanself. Ons wil graag elke dogter ontwikkel tot hulle volle potensiaal, leer om kompetisie op 'n gesonde manier te handhaaf en puik in 'n span op te tree. As ons by die “doel” kan bly sal ons suskes behaal.

Netbal by ons skool is meer as net vaardighede en baanspel. Ons bied die volgende dienste vir elke dogter aan:

Voorseisoen: Ons bied jaarliks 'n voorseisoen aan wat elke dogter kan bywoon. Ons fokuspunt is: vaardigheidsontwikkeling, fiksheid en kultuur skepping. ·
Netbal-akademie: Ons netbal-akademie word in ‘n privaat hoedanigheid gedryf en is perfek vir die speler wat wil groei en ontwikkel in die sport. Gespesialiseerde netbalafrigting vind plaas deur top-afrigters ·
Kampe: Jaarliks beoog die skool om die leerders aan ‘n kamp bloot te stel. Dit verander jaarliks tussen ‘n kamp wat weg van die skool af plaasvind of een wat op die skoolterrein self plaasvind. ·
Eerstes span toer: Die o/13 A en B dogters toer jaarliks. Die blootstelling wat die leerders ontvang is geen geld werd nie.

Afrigters

Top afrigters

Ons top-afrigters is iets uit die boonste rakke. Elke afrigter bring hulle unieke evaring, passie en kundigheid na die sport. Ons spog met afrigters wat oud-Protea spelers is, waarvan juffrou Izette Griesel, steeds ons land op ‘n nasionale vlak verteenwoordig. Sy speel tans senter of aanvallende vleuel vir die Spar Protea netbalspan en spog met meer as 50 nasionale wedstryde.

Aan die stuur van hierdie ongelooflike sportsoort is juffrou Melissa Kotze en juffrou Tasha Venter. Ons span afrigters bestaan uit: Jana Olivier (o/10), Annelle Breedt (o/10), Lizelle Labuschagne (o/11), Jeandri Eksteen (o/11), Danielle de Witt (o/12), Bernadette Roodt (o/12), Izette Griesel (o/13), Tasha Lemmer (o/13) en buite-afrigters.

Aan die stuur

Me. Melissa Kotze

Gauteng netbalspeler

Ons spog ook hierdie jaar met ‘n Gauteng netbalspeler. Leane Muller, gr. 6 is verkies tot die o/12 Gauteng netbalspan wat in September in ‘n toernooi gaan speel. Sy is ‘n puik netbalspeler wat hardwerkend is en nooit opgee nie. Sy is so talentvol en ‘n briljante verdediger.

Wat maak netbal by Laerskool Lynnwood so uniek?

Ons bied soveel meer as net netbal vir elke dogter en daarom is ons netbal so uniek.